FRENCH BEAN, BEHLAWI LEH BEAN THU VEN NANA IPM

II. FRENCH BEAN, BEHLAWI LEH BEAN THU TICHHETU THLITHLAI

A. Agro Eco System Analysis (AESA) Bung 2 ah AESA chu chipchiar zawka tarlan a ni.

      Bean, Behlawi leh bean thu chinnaah a chuklakin hmun 20 thlan tur a ni. Chung hmunah chuan eng ang rannung nge awm , eng ang natnain nge tlakbuak tih leh eng ang rannung tha nge awm tih ngun taka en tur a ni a, kan thil hmuh chu ziakin chhinchhiah vek tur a ni.

B. Bean, behlawi hmun fan thuak thuak

      AESA tih dan hi zir hmasak ngai a ni a, a zirtawh loneitu chuan an ti thiam ve mai. Loneitute chuan a khat tawkin an bean leh behlawi hmun chu an tlawh anga, eng ang rannung nge awm, eng ang natna in nge an bean leh behlawi chu tlakbuak tih leh eng ang rannung tangkai nge awm tih an thlithlai tur a ni. Hetianga loneituten an bean leh behlawi hmun an tlawh a, chik taka an thlithlai fo chuan awmze nei loa rannung thahna hlo hman mai mai a lo tlem/nep thei dawn a ni.

C. Pheromones thangkam

      Bean leh behlawi rah khertu pangang (Helicoverpa armigera) leh a hnah eitu pangang (Spodoptera litura) thlahtu (lungphurthlahtu) man nan pheromone thang an siam tawh. Heng pangang or a thlahtute hi bean leh behlawi hmuna an awm leh awm loh hriat nan hectare khatah pheromone thang chu 5 metre a inhlatin a chuklakin, hmun 5-ah kam tur a ni, bean kung bulah pheromone thang chu khai tur a ni, ni 15-25 danah a chhunga hipna rimtui bawm "Lures" chu a thara thlak zel tur a ni. Tuktin thang chhunga lungphur thlahtu tang chu lak a, tihhlum tur a ni. Pheromone thang chhunga lungphur thlahtu chu nitin 8-10 a tlin chuan a hlauhawm chin ETL a thleng tihna a ni.

D. Thleng dar eng leh puan ban hmanga rannung te man

      Hectare khatah thleng dar eng, a chhung lam tel/grease a nuai mawm chu bean chinnaah hmun 10 ah hun tur a ni a, tah chuan rannung te tak te te an tla dawn a ni. Hetiang deuh bawk hian hmun 10 ah puan ban thlun tur a ni. A tul dan azira a thara thlak thin tur a ni.

E. Bean leh Behlawi tisawrbawktu thlai rulhut

      Bean zung a sawrbawk tuk a, a bawlhhlawh bawk. Hei vang hian bean leh behlawi a thang thei lo. Bean leh behlawi zunga thlai rulhut tui bawm (egg sacs) a awm leh awm loh hriat nan bean leh behlawi zung chu "Trypan Blue" tuiah chiah ila, thlai rulhut tui bawm chu a pawl (blue) vek ang a, bean leh behlawi zung chu a rawng a danglam lo ang.

F. Rannung hlauhawm chi (ETL)

      ETL chu thlai ei chhetu rannung an inthlahpun nasat a, rannung thahna hlo kah a ngaih hun hi a ni. Loneitute chuan an bean leh behlawi hmun chu a khat tawkin an thlithlai anga, rannungin ETL an thlen leh thlenloh an hrechiang tur a ni. Rannung thenkhat tana ETL chu a hnuai ami ang hi a ni.

III. RANNUNG HLAUAWM CHIN HRIATNA ETL

III. BEAN, BEHLAWI LEH BEAN THU VEN NANA IPM HMAN TURTE

A. Loneitu thiamsa

     1. Nipui laiin thuk deuh hleka lei lehphut tur a ni, hei hian lei a awm rannung leh thlai rulhut a pho chhuak anga, nisain a em hlum dawn a ni.

     2. Rannung inthlahpun tam huna thlai a lo len hman nan tlema a chi tuh hma tur a ni.

     3. A hun takah a mamawh tawk tui pek tur a ni.

     4. Behlawi chin zawhah vaimim/faisa chin tur a ni a, a remchan dan azirin Derhken pawh chin tel tur a ni, hei hian pangang, a hnah eitu keltelaimawm bial, leh a zikno ei rangtu (thrips) a titlem dawn a ni.

     5. A rah lung (stemfly) tam naah chuan tlemin bean/behlawi chi tuh tam tur a ni.

     6. Leia awm natna hrik, bean zung titawihtu natna hrik, thlai rulhut leh a rah tilungtu (stemfly) suat nan hectare khatah neem cake 200kg bean hmunah phul tur a ni.

     7. Bean leh thlai dang tum khata chin pawlh hi a zik eichhetu pangang leh rannung dang a tlem nan a tih chi hle a ni. Derhken pawh chin tel theih chuan thlai rulhut suat nan a tangkai hle a ni.

     8. A hun takah, a inhlat lam tur dik takah a chi tuh tur a ni. Fertilizer hman tur bituk zat dik tak hman bawk tur a ni, thlai a thangtha anga, a hrisel bawk anga, hnim aiin a thang chak bawk dawn a ni.

     9. Leia awm thlai rulhut laka Bean leh Behlawi a lo him theih nan a hmaa thlai an chin tawh kung ro leh a zung te lakkhawma hal ral tur a ni.

B. Hmanraw dang hman:

     (1) Virus natna vei bean leh behlawi chu pawha, hal ral tur a ni.

     (2) Rannung tui leh pangang vaia, tihhlum tur a nia, natna vei thlai leh a hnah te mal a, halral bawk tur a ni.

     (3) Lungphur thlahtu (pangang thlahtu) bean leh behlawi hmuna a awm leh awm loh hriat nan hectare khatah Pheromone thang 3, hmun hrang hrangah kam tur a ni.

     (4) A to hnu atanga kar 4-6 chhung chu bean leh behlawi hmun fai taka thlawh tur a ni.

C. Rannung tha leh thilnung tangkai hman

1. Humhalh: (a) Bean leh behlawi hmunah rannung tha leh tangkai tam tak a awm a, chung zinga a thenkhatte chu heng te hi a ni:-

          (i) Pangang Heliothis armigera, suattute chu Trichogramma spp, Compoleris chloridae, Carcelia illota. etc.

          (ii) Pangang S.litura suattu rannung tha chu- Telenömus remus, chelomus heliopae, C.blckburni, Cotesia cloemani, Microplitis sp.

          (iii) Bean hrik (aphids) eitu rannung tha te chu - Aphidius sp. ApheIinus sp,

          (iv) Bean leh behlawi hnah hreuh rangtu (Leaf miner) eitu rannung tha chu- Gonotoma sp. Chrysonotomyia sp.

     (b) Heng bakah hian thlai eichhetu rannung eng pawh mana, chaw atan a ei thin rannungtha leh tangkai tak tak a awm. Chung zinga thenkhat chu heng te hi a ni:- Maimawm, Khuavanglamdar, Tho tangkai (Syrphids), Carabids, Daidep, Daidepria, Stophylinids, Thlangdar tangkai chi hrang hrang (Mirid bugs, predatory Pentatomids, Nabid bug, Redumid bug, Anthocorid bug, Geocorid bug) etc, Heng rannung tangkai tak tak hian rannung thahna hlo an huat ve tho avangin a tul tawp khawkah lo chuan rannung thahna hlo kah loh tur a ni.

     (c) Lungphur thlahtu suat na lam chi, tangkai tak taka awm a, chungte chu Nemuria releyi, Metarhizium anisopline, Heterorhabditis, bacterium tha Steinernema faltiae te hi fur laiin a tangkai em em a ni.

     (d) Hmun hrang hrang-ah Sava fukna kraws anga siam, phun tur a ni. Sava hian pangang leh rannung, thlai hmun a mi an chuk thin a ni.

E. BEAN BEHLAWI LEH BENA THU THAN DAN ANGA IPM HMAN TURTE